گْوادرے شپ روچ(1)
گْوادرے شپ ءُ روچ
شاہی بازارے پشت کپتگیں ہوٹل انگت کریمک ءِ ہوٹل انت۔ چاہے وش تامدار انت۔ میدانی سْیاسی بنجاہ ہم ہمیش انت۔
مُرکءِ ہوٹل تْیاب دپی مردمانی چاہ واری و سْیاست ءِ ہم یک بنجلے بیتگ۔ بلے وھدانی زوراکی سگ ایت نکت و یک روچے پرشت و کپت و ڈوریت۔ دیم پہ دیم پیر مردیں ابراہیم ءِ پان ءِ کبین انگت سلامت انت۔ بلے دگہ ہچی نیست ھالیگ انت پان ءِ گڈو انت کتہ و چون ۔
گش انت کہ وھوند سلامت انت ملکت سلامت۔
ابراہیم نی کار کت نکنت بس نشتگ سرے جال انت نزورے انت مروچاں مردماں ہم پجا نیاریت۔گْوادرے آھری کنڈے پان والا۔۔۔۔۔
پدا کمو دیمترا تاج استری والہ ءِ دکان انت کہ ہما سلطان ءِ زمانگے استریءِ گون انت اشکرمان کنت و ایشاں روک کنت استری گرم بیت پدا وتی کار ءَ گلائیش بیت۔ کسی محتاج نہ انت۔ لین ءِ ہم وداریگ نہ انت۔
آ باز وش رنگے جنین اللہ ءَ آئیا حسن و وشرنگی بخشیتگ ات۔ سے چکءِ مات ات بلے انگت پانزدہ شانزدہ سالی وشرنگ۔
گوں وتی جودءَ سہب ءَ دکان ءِ پچ کتگ ات۔ چشیں شرنگیں جنینے مرد یک چمیں رجو ات آئیا رجنی سک دوست اتءُ بلے رجنی مولا بخش ءِ سرا گنوگ ات و مولا بخش آئے عشقءَ گنوگ ات۔ ءُ گش انت کہ عشق چیرنبیت۔ عشق ذات ہمبر نچاریت۔ مولا بخش خلیجءَ یک ملکی ءَ کارءَ ات۔ورنا ات بلے دو چکےپت ءَ کد وبالادءَ و پینٹ پتلون ءَ زانگ نبیتگ ات کہ بلوچے۔
یک روچے دکان ءَ رجو نشتگ ات بلے رجنی ماہ جبین زاہر نہ ات۔ دکان ابیتک ات۔ رجو ءِ سر جال ات آئے یکیں چماں ارس چو اولمب ءَ رچان ایت انت۔ بلے دومی روچءَ رجو ءَ وتا ہمے دکانءِ تہا پاو داتگ ءَ مردم مچ ایت انت۔ نا ھدا ھدی ملگ زہر شانی کنگ ءَ ات۔ " مولو تو زلم کت رجو ءِ مرگ تہی سرا انت رجوے چک چورو بوتاں۔ او شر رنگ رجنی تو کجا بیگواہ بوتے۔بچار تہی چک چورو بوتاں۔ ماتی مہرءَ زبہر پت چہ دگنہا شت۔
چکاں اوپار بکنے۔
بلے شش ماہ گْوَست عشق ءِ اثرات ھلاس بیتاں یک روچے پدا ہما دکان بندءُ ات۔ ماہ جبین پدا دکان ءَ ات چک گل ایت انت کہ آئیانی مات ءَ واتر کتگ۔
بلے ماہ جبین ملور ات۔۔۔۔۔
سیٹھ کمر دین ءِ آفیس نی پروشتگ۔ بلے دیم ءِ ڈکی سلامت انت یک وھدے اداں بیگاھءَ میدانی نند جھاہ ات۔دیم پہ دیم ہما سْیاہیں عمانی عربی جنین شاری ءَ وشیں مال پوری و حلواہ جوڑ کتگ ات۔ میداں شپءِ شام ہمدا گپتگ لوگاں شتگ ایت انت۔ شاریءِیکیں دسگوار ہم عربی کنہان ات۔ و دگے یکے کہ آئے نام مامی ات آئیا بیگاھءَ کوپتہ پکگ ات۔ برے برے یکیں پنڈوکیں عمانی سْیاہ تابیں کال ہم ہمدا کوپتہ ورگ ءَ اتکگ ات۔
نوکیں ملکے آئیگ ءَ عرب بیوپاری اولی بہرءَ گْوادر چہ شتاں۔
کمے ہندوستانی ہندو بکال و کوجہ پشت کپتاں بلے نوکیں ملکے حاکمانی ترس ءُ بیم ءَ واسو مل، سوبھراج ،ڈیو مل، سیٹھ تاوڑ دوبئی و ہندوستان ءَ شتاں یکے ہندوانی کہول روچو مل، لال چند، ءُ موہین لال پشت کپتاں، ہمے وڈا کھوجہ ہم بازیں دوبئی کراچی و امریکہءَ شفٹ بیتاں۔
دیمءَروان انت۔
Comments
Post a Comment